世界盃沸沸揚揚，少不免閒聊問人捧邊隊。
香港人是多捧歐洲波沒錯......但問得人多，不禁懷疑女孩子們是捧球隊還是捧靚仔？
我想請問女網友，你們是如何定義「靚仔」的？
About Me
- Thomas
- Hong Kong
- 喜歡玩樂，有點偏執。喜歡研究人的心理，但總是搞不懂自己的心。 無論心情比桌面混亂，仍希望給你看見桌面上那個笑哈哈。 對人歡笑背人愁，已經是本能反應。
Links
- Over the Rainbow（師姐新聞扎記）
- 貓奴育成（過去的，貓。）
- In search of...（紅顏知己）
- Reise mit Qnie（Q姐遊記）
- 芳鄰同盟（豪氣女首領）
- 假山隨想（世上的另一個我）
- Orphenus（活動的一千零一夜）
- Descobridor（絕對理性）
- Joyce is not here（肥cha媽咪）
- 瑮瑮無窮（美女編輯）
- 遊戲研究學會（大人也要遊樂場）
My blog is worth $564.54.
How much is your blog worth?
17 comments:
sorry，唔係女網友，不過都講兩句
其實我都唔介意球迷(男女皆可，免得性別歧視)係睇球隊定係睇靚仔，但千祈千祈唔好問d令人唔想答o既問題.......
尋晚，我阿媽同我&老豆睇波：
阿媽：「碧咸踢得咁渣o既？」
維：「受傷嘛。」
阿媽：「咁佢又踢？」
維：「&^%$....(睇緊波，所以求其講左兩句)」
阿媽：「咦，佢被人換走wor」
維：「受傷嘛......」
(下刪數百字)
總之成場波，我一路睇，阿媽就一路問.....之後，我終於忍唔住話：
「睇緊波，唔好問無謂問題。」
不好意思，我也是男網友
(連續兩個回覆都是男網友，是否表示這個blog 是男讀者多於女讀者?)
想反問一句…你是如何定義「靚女」？
我覺得靚仔是Didier Drogba與Phillipe Senderos，他們有野獸般的美，相信這樣的定義，沒有女網友會贊同。
抗議!!怎的男的總是覺得女的看足球就是看靚仔?!我不是球迷,只是偶爾會看一兩場。但我的女性球迷朋友們是認真的看腳法。
「靚仔」就是有氣質吧~ 我覺得奇連士文很靚仔~ 但比起「靚仔」,還是型是比較吸引.....看足球員將看似不可能的變成可能, 型呀!!
我係女網友!
我唔止睇靚仔架,如果唔係,我都唔會鍾意睇細哨施丹啦.之但係我睇靚仔,又有乜問題呢?
仲有呀,我最想睇的靚仔,好似舒夫真高、碧咸、費蘭度托利斯、卡斯拿斯全部出晒局喇,唉!
我覺得女性fans經常睇唔起Peter Crouch同Phillipe Senderos,只係識得大牌球星﹗﹗
抗議﹗
我唔係女網友，都覺得高治完全唔夠班.....
辛達路斯真係勁的~ 阿記未來都係靠佢(同埋一班年輕球員)~
(呢度完全變左足球版，版主完全唔得閒睇我地留言~)
我要強健既胸肌加有力既大腿丫~~~~
http://www.youtube.com/watch?v=nRswl_8DAuw&search=peter%20crouch
欣賞下
Matt le Tissier,英格蘭全能中場,未曾打過世界盃
我不贊同你話「女仔看足球只為看靘仔」的說法，我雖然不是球迷，但會看一些重要的球賽。
若女孩子只是為看靘仔球員的話，就解釋不了足球隊打入四強或決賽時，收視率急升的情況了。若女仔只為看靘仔，在世盃足球賽時，我們就毋須用顏料把國旗畫在臉上了，對吧？
相信大部分會看足球的女孩，都是想看他們的腳法，和速度，以及在球場上男生們熱血追波的幹勁，而不是某某人的俊俏面孔。
我覺得啦，靘仔球星都是一些宣傳手法吧~
至於，何為靘仔，真是很難說，見仁見智啦。不過，時下的少女漫畫及台式愛情小說應該至少給你一點概念。女性心目中的靘仔來來去去都係咁上下。
老實講,看靚仔不一定要在球場上,那麼辛苦在幹??我想女孩子看球也有一些很有水準,像BBC的評述員就有一個是女評述,看她平時與andy reid,linecker的對答,水平極高.
有人喜歡看某形式的足球,有人喜歡看某隊,有人喜歡某人?沒有問題.
我還是堅持,真正的球迷會看任何組別,任何形式的比賽.
人王，靚女的定義我在之前的blog已寫過，不贅。
P，你講的女性球迷們落場踢埋添，咁梗係啦。
維，我都唔介意呢度暫時變足球版o既，話晒都世界盃嘛。
Stan（o descobridor）講的球員，我一個都唔識，畀你講英國本地賽事的話，可能叻過阿叔添。不過我都係唔認同有所謂的「英格蘭足球」啦，波就係波。
chacha睇靚仔係無問題嫁，不過隨著賽事，靚仔一定係愈來愈少啦。
Eva的論證好嚴密，不愧係二家姐。
我始終覺得腳法好，有閱讀球場能力同具體育精神就係好球員，樣呢方面順眼就得，人的樣子，從來是愈看愈順眼的。
二家姐真是愈來愈像經濟人了，哈~~~
始終覺得Aster看男仔的觀點是最坦白，亦最「鹹濕」。
其實打一兩句就引起咁多人回，單是這點就證明我唔識波都講波這個策略，是非常成功的。
說得太遠了~~自己都要講兩句先。
我想講的是很多人（不只是女孩子）看足球都只看個人，好像足球小將集齊「戴誌偉+小志強+林源三」就會天下無敵，但實際不是這回事嘛。
平心而論，今屆英格蘭真是打得不好（當然有不少球隊更差），但不明何以很多香港波友都是其死硬fans。今年太多隊伍發揮不佳以至輸波，都是輸在組織上發夢，或者幻想一個英雄箭頭可以打十個。
「所有女仔睇波都係睇靚仔」呢種傻話，我又點會講呢？
講真就算真係捧靚仔都無所謂，不過有好多隊波秤起上來，其實是無得打的，咁肉緊睇住輸，就盞自己傷心啦。
今晚法國對葡萄牙，唔諗住睇，但桂神發功捧法國，今次就只好為法國祈禱啦。
場波真係悶足全場.......同意大利vs德國真係好大對比.....
不過容許我嚮度一讚明報寫意德之戰條題：
「這夜沒有失敗者」(雖然好英文，但都係正的)
雖然我唔係德國fans，但當我見到「我們和你一起哭泣」呢句(加埋波歷克個樣)，我真係心神蕩漾，有d想谷眼淚o既感覺.......
桂神對沖基金輸錢了 =}
咦？我好慢添。
隔住件波衫都仲睇倒胸飢咁勁？
靚邊有標準架，我好多女性朋友話細哨好靚仔架喎，仲好中意佢對英格蘭o個場戴頭箍o個個樣添。
即係唔係睇波一定要睇靚仔o既，賞心悅目d?，無腳法都有個靚樣睇下嘛。有腳法好睇，有腳法又靚仔仲好睇。
我鐘意你呢句「單是這點就證明我唔識波都講波這個策略，是非常成功的」。
Post a Comment